Defekti ka detyruar pilotin e një aeroplani Van RV-8, që të bëjë një ulje emergjente në plazhin e Hotel Excelsior në Venecia.
Sipas mediave italiane, aeroplani ishte i një çifti austriakësh të cilët fatmirësisht nuk janë të lënduar. Sipas raporteve paraprake, piloti ka bërë të ditur emergjencën menjëherë pas fluturimit.
Aeroplani është fotografuar, ndërsa në pamje të parë ai ngjan me atë të Divjakës, i cili në maj të vitit të kaluar u rrëzua në tentativën për të transportuar një sasi të konsiderueshme kanabis sativa. edhe pse në rastin e Divjakës, piloti ishte italian (Giorgio Riformato), këtë radhë në Venecia nuk kemi të bëjmë me një rast të ngjashëm.
