FOTOLAJM/ Kriza Rama – Meta, mbërrin ‘zjarrfikësja’
Ndërsa në media ditët e fundit po flitet për një krizë mes dy liderëve të koalicionit qeverisës, mes Ramës e Metës, ndryshe duket situata në ‘terren’.
Deputeti i Partisë Socialiste, Koço Kokëdhima ka postuar një foto në rrjetin social Facebook me kreun e LSI-së Ilir Meta.
Kokëdhima njihet gjerësisht si njeriu që ndërmjetëson prej vitesh mes Edi Ramës dhe Ilir Metës. Kreu i LSI-së dhe deputeti socialist kanë qënë të ftuar në Përvjetorin e Republikës Popullore të Kinës. Përtej kësaj fotoje, ku të dy personazhet kanë dalë duke qeshur, ende nuk dihet ndonjë detaj nëse kanë biseduar për tensionet rreth situatës së fundit politike mes të majtës.
