Ditën e sotme do të jepet masa e sigurisë për personin i cili mbeti i plagosur në atentatin ndaj Nelgert Patës. Nën masa të rrepta sigurie Ari Alinani ka mbërritur në Gjykatën e Fierit, ku zhvillohet edhe seanca gjyqësore me dyer të mbyllura.
Siç shihet dhe nga kjo foto, Alinani është i rrethuar nga policë, ndërsa krahun e ka të fashuar nga plaga që mori gjatë atentatit.
Gjyqtar i seancës është Pirro Sota, ndërsa prokurore Elida Hoxha.
Ne foto Ari Alinani, personi qe u plagos nga atentati ne Fier duke hyre ne Gjykate
39-vjecari u arrestua nga Policia e Fierit më 22 nentor për veprën penale “Veprime që pengojnë zbulimin e të vërtetës”. Specialistët e Sektorit për Hetimin e Krimeve të Rënda ndaluan shtetasin Ari (Ilirjan) Alinani, 39 vjeç, banues në Delvinë, raporton oranews.
Ndalimi i këtij shtetasi u bë pasi dyshohet si autor për kryerjen e veprës penale “Veprime që pengojnë zbulimin e të vërtetës”, parashikuar nga Neni 301 i Kodit Penal.
Ndalimi i tij u bë në dhomën e paraburgimit të spitalit Fier pasi shtetasi i dyshuar është person i plagosur në ngjarjen dhe ndodhet për mjekim në spital.
