Bashkia e Tiranës njofton se po vijon përmirësimin e ndriçimit në kryeqytet. Blloku i zonës së “Komunës së Parisit” ka dalë në dritë falë punës dhe përkushtimit të punonjësve të Mirëmbajtjes së Ndriçimit Publik.
“Ekipi u kujdes për zëvendësimin e llampave inkandeshente me llampa LED. Gjithashtu, është bërë dhe zëvendësimi i ndriçuesve inkandeshentë me ata led në Bulevardin “Bajram Curri” dhe “Zhan D’Ark”. Dritat LED, përveçse kursejnë energji elektrike, ka edhe kosto të lirë në mirëmbajtje dhe rrit cilësinë e ndriçimit. Teknologjia LED garanton qëndrueshmërinë dhe jetëgjatësinë e llambave, disa herë më tepër krahasuar me jetëgjatësinë e llambave aktuale” – thuhet në njoftim.
/a.r
