“Rrjeti i shërbimit të Hemodializës po shtrihet hap pas hapi në të gjithë vendin. Inspektuam me kolegun Niko Peleshi mjediset ku po punohet intensivisht që ky shërbim jetik për pacientët që e kanë të nevojshëm atë, të ofrohet për herë të parë edhe në Qendrën e re të Hemodializës që po ngremë në Spitalin Rajonal të Korçës”.
Kështu shkruan në Facebook ministri Ilir Beqaj sipas së cilit deri më sot, për të kryer hemodializën, pacientët e Qarkut të Korçës duhet të udhëtonin tre herë në javë drejt Tiranës, Elbasanit apo edhe jashtë vendit.
“Në Prill, rreth 70 të sëmurë me insuficiencë renale do t’i japin fund kalvarit të vuajtjeve fizike dhe shpirtërore, por edhe shpenzimeve marramendëse, duke e marrë #FALAS këtë shërbim në kushte optimale dhe standarde bashkëkohorë pranë Qendrës së re së Hemodializës që po ngrihet në Spitalin rajonal të Korçës. Qendra e re e Hemodializës që po ndërtojmë në Korçë, e katërta e këtij lloji në vend, pas atyre të Vlorës, Shkodrës dhe Lezhës, është investim i mundësuar nga partneriteti publik-privat. Ndërkohë që kostoja e këtij shërbimi që përfitohet #FALAS nga pacientët është më e ulët se ajo që kryhej deri dje. Ja si rruga e Rilindjes rilind shpresën e njerëzve në nevojë! #PunëJoLlogje #NdryshimeReale #Rilindje #ShqipëriaeGjeneratësTjetër” – shkruan Beqaj. /b.d
