Kryeministri Edi Rama ka përfunduar vizitën e radhës zyrtare në Gjermani. Pas përfundimit të saj, shefi i qeverisë shqiptare publikoi në Facebook një album me fotografi, ku dëshmohet pritja madhështore që iu rezervua.
“Gjatë vizitës zyrtare në Mynih për të çuar më tej projektet e përbashkëta të nisura në fushën e arsimit profesional; për të konkretizuar me nisma konrete potencialin e jashtëzakonshëm të bashkëpunimit që ekziston mes Shqipërisë e Bavarisë edhe në fusha të tjera; si edhe për perspektivën Europiane të Shqipërisë e cila sot gjen mbështetjen e plotë të partnerit tonë strategjik, Gjermanisë”, shkruan Rama në Facebook.
I ashtuquajtur “Lideri i Ballkanit” për shkak të samitit të Berlinit, ka marrë mbështetjen e radhës nga Gjermania në aspiratat integruese të vendit si dhe reformat e ndërmarra nga qeveria shqiptare, e theksuar kjo edhe në takimin me kreun e Landit të Bavarisë.
