Nuk dihet nëse ka qenë kërcënuar, apo jo, por e sigurt është se përbri derës së apartamentit në një pallat në “Rrugën e kosovarëve”, Artan Cuku, ish-zyrtari i policisë i vrarë mbrëmë pranë banesës kishte vendosur një kamer.
“BalkanWeb” që ka siguruar foton raporton se ne banesën e komisar Cukut ndodhej edhe kamera e sigurisë.
Me sa duket Cuku kishte krijuar një sistem sigurie në shtëpinë e tij për shkak të problemeve që mund të kishte nga detyra e tij si ish-zyrtar i Policisë së Shtetit.
Nuk dihet nëse ish-drejtori i policisë së Vlorës kishte marrë ndonjë kërcënim kohët e fundit apo paralajmërim, ndërsa dëshmia e familjarëve pritet të hedhë dritë mbi ngjarjen e rëndë.
Ai u vra dje në hyrje të pallatit ndërsa do të ngjitej në banesën e tij. Një prej atentatorëve e priti brenda pallatit, ndërsa tjetri në hyrje. Cuku u vra me 5 plumba, 4 në trup dhe 1 në kokë, ndërsa sot do të ketë edhe homazhe të organizuara nga Policia e Shtetit.
c.a
