Një vizatim me karbon, i ruajtur në një koleksion të veçantë prej më shumë se 150 vjetësh, mund të jetë skicë e Mona Lizës.
Portreti prej karboni i gruas së zhveshur, i njohur si Monna Vanna, është lidhur deri tani me studion e Da Vinçit.
Por, pas testeve të kryera në Muzeun e Luvrit në Paris, kuratorët besojnë se vizatimi është të paktën “pjesërisht” krijim i të madhit Leonardo.
Skica është që prej vitit 1862 pjesë e koleksionit të artit të Rilindjes në muzeun Conde, të pallatit Chantilly.
Kuratori Mathieu Deldicque thotë se është thuajse e sigurtë që vizatimi me një cilësi mbreslënëse, të jetë një punë përgaditore të një pikture në vaj
“Vizatimi ka një cilësi vërtet mbresëlënëse në mënyrën se si janë pasqyruar fytyra dhe duart. Nuk është një kopje e zbehtë. Po shohim diçka për të cilën është punuar paralelisht me Mona Lizën nga fundi i jetës së Leonardos. Është pothuajse e sigurtë se bëhet fjalë për punë parapërgatitore të një pikture në vaj”, thotë Deldicque .
Leonardo da Vinçi është një prej piktorëve më të mëdhenj të Rilindjes italiane dhe Mona Liza, e njohur ndryshe si La Gioconda, mbetet një prej veprave më të famshme e të vlerësuara në botë.
a.ç
