Identifikohet shqiptari që akuzohet për vrasjen e ish-partneres së tij ukrainase, 43 vjeçares Fotini-Svetlana, dhe të dashurit të saj grek, 42 vjeçarit me profesion farmacist, në Loutraki.
Ai është rreth 45-50 vjeç, dhe ka qenë i dënuar më parë për grabitje dhe trafik droge.
Por pas lirimit nga burgu ai nuk është përfshirë sërish në aktivitete të paligjshme deri ditën kur kreu vrasjen e dyfishtë.
Fotoja është publikuar nga policia greke, por identiteti i tij nuk është bërë me dije.
Siç raportojnë mediat greke, shqiptari kishte udhëtuar enkas nga Mykonos në Loutraki për të vrarë ish-partneren e tij dhe të dashurin e saj të ri.
Për të paktën dy javë, ai kishte ndjekur çdo lëvizje të viktimave pasi 43-vjeçarja i kishte kërkuar ndarjen, por si duket kjo nuk ishte pranuar prej tij.
Mësohet se ai dhe ish e dashura e tij nuk ishin takuar më që nga koha kur jetonin të dy në Mykonos.
Vrasja e dyfishtë u krye brenda shtëpisë së saj të pushimeve.
Ishte një fqinje e viktimës, ajo e cila raportoi ngjarjen pasi pa se nga dera e shtëpisë përballë po rridhte gjak. Pas i ata hapën me forcë derën panë të shtrirë në tokë dhe të mbuluar në gjak çiftin.
Shqiptari përdori një hanxhar për vrasjen e dyfishtë
Si rezultat i hetimeve deri tani është zbuluar se shqiptari ka hyrë fshehurazi në shtëpinë ish-partneres së tij, ndërsa kjo e fundit dhe bashkëjetuesi i saj ishin të zhveshur kur ai i ka goditur ata në mënyrë barbare.
Menjëherë pas aktit, ai mbylli dyert, dhe u largua me makinën e ish-partneres, të cilin e braktisi dhe i vuri flakën, rreth 500 metra larg shtëpisë së saj.
