Lideri i Koresë së Veriut Kim Jon Un dhe babai i tij i ndjerë, kanë përdorur pasaporta braziliane. Raportohet se përmes këtyre pasaportave ata kanë tentuar të marrin viza (dhe ndoshta ia kanë arritur) në vendet perëndimore shkruan Reuters.
“Ata kanë përdorur pasaportë braziliane, ku qartësisht duken fotot e Kim Jong Un dhe Kim Jong Il, përpjekje për të marrë viza nga vende të huaja”, tha një burim i lartë i sigurisë nga një vend perëndimor, i cili preferon të mbetet anonim.
“Kjo tregon dëshirën për të duhëtuar në perëndim por edhe krijimin e një rruge arratie nëse sistemi rrëzohej”, vijon burimi.
Lidhur me këtë çështje ambasada e Koresë së Veriut në Brazil nuk ka preferuar të komentojë. Ndërkohë, Ministria e Jashtme e Brazilit dekalroi se po heton rastin.
Një burim brazilian i sigurisë tha në kushte anonimiteti se dy pasaportat ishin të rregullta.
Katër burime të tjera të sigurisë në Evropën Perëndimore konfirmuan se dy pasaportat braziliane me fotot e diktatorëve në emrat e Josef Pëag dhe Ijong Tchoi përdoreshin për të aplikuar për viza në të paktën dy vende perëndimore. Nuk është e qartë nëse u lëshuan vizat.
Pasaportat mund të jenë përdorur gjithashtu për të udhëtuar në Brazil, Japoni dhe Hong Kong, thanë burimet e sigurisë.
Gazeta japoneze Yomiuri Shimbun raportoi në vitin 2011 se Jong Un vizitoi Tokion si një fëmijë duke përdorur një pasaportë braziliane të vitit 1991./JavaNews/a.m.
