Caroline Flack është gjetur e vdekur në banesën e saj në Londër. Ajo ishte 40 vjeçare. Lajmi vjen pas problemeve që kishte pasur me të dashurin e saj, i cili e ka akuzuar për sulm fizik.
Prezantueses i ishte ndaluar kontakti me të dashurin Lewis Burton, pasi në muajin dhjetor ishte ngritur padi se e ka sulmuar.
Ajo duhej të paraqitej në gjykatë më 4 mars për t’u përballur me këto akuza, raporton “Daily Mail”.
Të enjten, Caroline kishte thënë se do ta thyente heshtjen dhe do të fliste lidhur me problemet në jetën e saj private, ndërkohë që ishte në pritje të gjykimit.
“Do të flas sot… jeta ime dhe e familjes time nuk është më për argëtim apo thashetheme”, kishte shkruar në InstaStory, por më pas e ka ndërruar mendjen dhe ka vazhduar të mos flasë.
Ylli televiziv ishte tërhequr nga posti i prezantueses në serialin real të ITV, “Love Island”, pas padisë për ushtrim dhune, ndërsa ishte raportuar se ka shkruar një libër për të ndihmuar veten.
Flack u bë shumë e njohur falë emisionit ‘Love Island’ dhe siç raportojnë mediat vendase në Angli, besohet të ketë vrarë veten në shtëpi ditën e Shën Valentinit.
Lajmin për ndarjen e saj nga jeta e ka konfirmuar edhe familja ku në një deklaratë për mediat ata thanë: ‘Mund të konfirmojmë që Caroline jonë ndërroi jetë sot në 15 shkurt.
g.kosovari
