Prej ditësh tashmë Partia Demokratike më në krye deputeten Albana Vokshi sulmon me tone të ashpra konçensionin e laboratorëve, duke e cilësuar këtë si një aferë klienteliste të qeverisë.
Në media, deputetja Vokshi nuk lë rast pa akuzuar Partneritetin Publik Privat (PPP) dhe konçensionin e laboratorëve, nën petkun e të mirës së qytetarëve shqiptarë dhe se po kërkon të bëjë transparencë një aferë korruptive.
Por nëse flasim për të mirën e qytetarëve dhe të të bërit transparencë, Vokshi në këto 10 vitet e fundit që ka zgjedhur të jetë aktive pranë PD-së nuk ka folur asnjëherë për jetën luksozë që bën. Ndonëse shpesh herë kur PD ishte në pushtet, çantat dhe veshjet e saj luksoze flisnin më tepër se argumentat në Kuvend, ajo gjithnjë ka zgjedhur t’i pranojë në heshtje këto fakte.
Deputetja e PD-së, prej vitesh tashmë zgjedh makina luksoze për të kryer detyrat e saj qeveritare ose partiake. Një të tillë deputetja ka edhe sot, kur është në opozitë, dhe në fuoristradën e saj luksoze, dhe mbi të gjitha dhe me shofer personal, mësyn drejt zyrës së PD-së apo edhe të Kuvendit, me letrat e mbushura me akuza.
Por nëse ky është një faktor, që kushdo kalimthi mund ta ketë vënë re nëpër televizione, ose të jetë kapur nga kamera, shumë pak kush ose asnjë nuk di për vilën luksoze të deputetes Vokshi në Qerret.
Lexo.al sjell fotografitë ekskluzive të vilës së deputetes demokrate në Qerret, e cila në heshtje dhe në lumin e akuzave që hedh çdo ditë, ngre katet e luksit të saj personal.
Burime për Lexo.al, bëjnë të ditur se vila ndodhet tek Kompleksi “Dielli”, fshat turistik në Qerret te Kavajes, menjëherë pas “Lagunes Blu”.
E nëse gjuha e PD dhe e Vokshit është njohur tashmë prej afro një dekade, shumë pak kush e di se si mund t’i ketë bërë këto para zonja Vokshi e cila nën hijen e akuzave ngre vilat dhe udhëton me shoferë personal e me makinë luksoze.
Siç duket, i gjithë vreri i Vokshit ndaj PPP-së dhe konçensionit të laboratorëve, vjen si reagim pasi personave të ndryshëm, brenda selisë blu, mund tu jenë prishur interesat e tyre të ngushta dhe personale.
Përndryshe, si do të shpjegohej luksi disakatësh i Vokshit që nga Tirana e deri në Qerret, aq sa edhe Pamela Andersona do ta kishte zili./Lexo.al/
