Ka humbur jetën në një aksident tragjik në punë, shqiptari 36-vjeçar me inicialet M.H.
Sipas mediave italiane, ngjarja ka ndodhur mëngjesin e sotëm rreth orës 8:10, në komunën Berbenno, në sheshin jashtë kompanisë “Valtecne”.
Viktima, M.H., 36 vjeç, me banim në komunën Desio, dhe shoferi i një kompanie me zyra qendrore në Brianza, ishte duke ngarkuar në kamion, me ndihmën e një vinçi të vogël dhe një kontenieri, ashkla dhe materiale të përpunimit të mbeturinave të hekurit.
Sipas hetimeve, shqiptari pasi kishte ngarkuar kontenierin, i kishte ngecur koka mes kontenierit dhe kamionit. Ai vdiq në vend nga plagët e marra.
