TIRANE- Valixhja që alarmoi policinë rezultoi jo e rrezikshme. Valixhja e dyshimtë është pikasur pas pallatit të Kongreseve, para Qendrës së Informimit të BE-së.
Pasi u sinjalizua për rastin në fjalë policia mbërriti në vendin e ngjarjes ndërsa rrethoi zonën. Ndërkohë në vendin e ngjarjes kanë mbërritur edhe forcat xheniere, të cilat bënë një shpërthim të kontrolluar, sipas procedurave.
Kujtojmë se pak kohë më parë pranë Bashkisë së Tiranën u pikas një valixhe e dyshimtë pranë një kazani mbeturinash. Por pas këqyrjes së forcave xheniere rezultoi se brenda saj kishte pasur rroba, që ishin hedhur nga një qytetar.
