Donald Trump dhe familja e tij u fotografuan teksa zbritën në pronën e tyre në ‘Mar-a-Lago’ (Florida) për të nisur festimet e Krishtlindjeve.
Presidenti amerikan shoqërohej nga bashkëshortja e tij Melania, djali Barron 13 vjeç dhe vajza e tij Ivanka.
Ata u panë duke zbritur nga avioni mbrëmjen e djeshme dhe sigurisht të gjithë sytë e paparacëve ishin mbi ta. Pasi zbritën nga avioni, familja e parë e SHBA-së u mor me makinë, për t’u nisur drejt pronës së tyre luksoze.
Donald Trump, po përballet me atë që njihet si Impeachment me procedurën e shkarkimit pasi u akuzua se gënjeu nën betim para një jurie federale dhe pengoi drejtësinë.
Procedura për shkarkimin e presidentit që në anglisht njihet si “impeachment” do të thotë të ngresh akuza në Kongres, që do të përbëjnë bazën për gjykim. Kushtetuta e Shteteve të Bashkuara thotë se një president largohet nga detyra për “tradhti, ryshfet, shkelje të rëndë ose kundërvajtje të tjera”.
g.kosovari
