Një bombë e pashpërthyer e Luftës së Dytë Botërore e hedhur në një lumë italian u zbulua ditët e fundit rastësisht, për shkak të thatësirës ekstreme që ka përfshirë vendin.
Bomba prej 450 kg u gjet nga peshkatarët në brigjet e lumit Po, niveli i të cilit është reduktuar ndjeshëm nga mungesa e theksuar e reshjeve.
Seksione të mëdha të lumit 650 kilometërsh janë tharë në thatësirën më të keqe në Itali në 70 vitet e fundit. Moti i pazakontë i nxehtë dhe nivelet e ulëta të reshjeve kanë shtuar mungesën e ujit në veri të Italisë dhe kanë rritur frikën për efektet e ndryshimeve klimatike.
“Bomba u gjet nga peshkatarët në bregun e lumit Po,” tha zyrtari i ushtrisë, koloneli Marco Nasi.
Pajisja e pashpërthyer, për të cilën zyrtarët ushtarakë italianë thanë se përmbante 240 kg eksploziv, u zbulua pranë fshatit Borgo Virgilio të Lombardisë.
Rreth 3,000 banorë u evakuuan në mënyrë që ekspertët e asgjësimit të bombave të kryenin një shpërthim të kontrolluar.
g.kosovari
