Moti i keq, me erë të furishme dhe reshje të shumta ka përfshirë edhe Himarën.
Gjatë kësaj të mërkure uji i detit ka mbuluar të gjithë brezin e rërës duke dalë deri tek zonat e banuara.
Shkak është bërë batica detare në këtë zonë e cila nisi që prej mesditës. Niveli i ujit ka arritur deri në zonën e plazhit.
Në foto mund të shihni se si dallgët e mëdha përfshijnë bregun e Livadhit, 5 kilometra larg Himarës.
Ndërkohë uji i është afruar banesave dhe bizneseve edhe në plazhin e Tales në Lezhë.
Situata e krijuar po monitorohet nga Emergjencat Civile. Ata janë vënë në gadishmëri për të ndërhyre në zonat ku mund të krijohen probleme.
Fenomeni i baticave detare ka nisur të përsëritet shpesh herë gjatë viteve të fundit në Lezhë.
g.kosovari
