Gjykata e Elbasanit ka lënë të lirë 36-vjeçarin Olsi Çanga, i akuzuar për tentativë përdhunimi ndaj studentes 22-vjeçare Rovena Zekaj.
Vendimi i lënies në detyrim paraqitje ndaj tij, u dha përkundër kërkesës së Prokurorisë për 40 ditë burg.
Gjykata argumentoi se ka mungesë provash ndaj Çangës, duke i rikthyer lirinë.
36-vjeçari u arrestua pas ngjarjes së ndodhur mbrëmjen e 28 tetorit, ku e reja e cila prej vitesh ka jetuar në Itali dhe është kthyer në Shqipëri në kuadër të projektit për shkëmbimin e studentëve, bëri denoncim ndaj tij.
Ajo tha se teksa po kthehej për në shtëpi, tre persona me një makinë të bardhë e kanë ngacmuar. Zekaj ka thënë se fillimisht e kanë ngacmuar me fjalë të pista dhe më tej kërcënuan.
E reja pretendon se ka fiksuar targën e makinës dhe ka bërë denoncim në polici, por pavarësisht kësaj nuk pati asnjë reagim prej tyre.
Kështu ajo thotë se të dyshuarit janë rikthyer me nj tjetër mjet dhe njëri prej tyre, Olsi Çanga, ka tentuar ta përdhunojë.
g.kosovari
