Ministri i jashtëm grek, Nikos Dendias ka mbërritur në Tiranë dhe ka filluar zyrtarisht vizitën e tij zyrtare 1-ditore.
Ai fillimisht ka shkuar tek Ministria e jashtme e Shqipërisë teksa eskorta e tij është ndeshur me protestën e PDIU.
Protestuesit e kanë pritur ministrin grek me thirrjet ‘’turp, turp’’.
Sot PDIU proteston kundër vizitës së Dendias për marrëveshjen e detit teksa simpatizantët e saj janë përplasur edhe me Policinë që nuk u dha leje për protestën.
Teksa protesta po zhvendosej drejt kryeministrisë, Shpëtim Idrizi ka qëlluar me ujë drejt forcave të policisë. Tensionet janë shtuar dhe tashmë janë shoqëruar disa qytetarë. Idrizi ka akuzuar se po fshihet axhenda shqiptare me palën greke.
/e.rr
