Kjo është Mirela Ruko studentja e cila pasditen e sotme qëlloi me salcë gjatë samitit të studentëve, ministren e Arsimit, Lindita Nikollën. Përmes një vëzhgimi në rrjetet sociale, Ruko shfaq përmes çdo postimi revoltën e saj kundër Reformës në Arsimin e Lartë por jo vetëm.
Mirela Ruko është studente në Universitetin e Tiranës dhe është me origjinë nga Fieri. Një vit më parë, ajo ishte pjesë e grupimit të studentëve që goditën me vezë kryeministrin Edi Rama te Fakulteti i Shkencave Sociale. Ruko përmes një statusi në rrjetin social Facebook shkruan për ministren e Arsimit, që meriton të shkarkohet. Studentja është shoqëruar në Komisariatin nr.2 ku po merret në pyetje për ngjarjen e ndodhur.
