Kombëtarja shqiptare do zhvillojë nesër takimin kundër Bjellorusisë në Minsk, në kuadër të sfidave të Ligës së Kombeve.
Në mbështetje të kuqezinjve kanë shkuar dhe presidentët e Kategorisë Superiore, me ftesë të Armand Dukës.
10 presidentet e Superliges janë në Bjellorusi së bashku me presidentin e FSHF-së ku kanë zhvilluar një takim në lidhje me sezonin e ardhshëm, të cilin kanë paralajmëruar se do ta bojktojnë.
Nuk dihet se sa do i qëndrojnë fjalës së tyre presidentët për bojkot, të cilët po komandohen nga FSHF-ja, por e sigurtë është që sportdashësit shqiptar nuk po shqetësohen shumë për rinisjen e Superiores, duke e ditur shumë mirë se si zhvillohet ai kampionat.
4 kushtet e vendosura nga Liga Profesioniste për qeverinë janë:
1- Miratimin e një ligji të ri për sponsorizimet sipas formës së kërkuar nga klubet e futbollit.
2-Përfshirjen e të gjitha aktiviteteve të futbollit në formën e TVSH-së së reduktuar në masën 6% dhe jo vetëm të infrastrukturës futbollistike.
3-Zerimin e gjobave dhe të kamatë-vonesave për të gjitha detyrimet fiskale të prapambetura dhe
4-Zgjatjen e efekteve të përjashtimin nga tatimi mbi të ardhurat të sportistëve nga 2 në 10 vjet.
Deri në plotësimin e këtyre 4 kushteve klubet e Superligës pjesë e Ligës profesioniste bojkotojnë sezonin e ri që ishte parashikuar të niste më 12 shtator.
/e.rr
