Foto të papublikuara më parë të martesës së Dianës & Charles
Një koleksion privat që tregon momente të veçanta të dasmës mbretërore mes Dianës dhe Charles pritet të dalë në ankand në Shtator, 34 vite pas mbajtjes së kësaj ceremonie.
12 fotografitë, të realizuara në “Buckingham Palace” më 29 Korrik 1981, janë 5 me ngjyra dhe 7 bardhë e zi dhe sipas britanikes “The Guardian”, ishin pjesë e koleksionit të një asistenti të fotografit anglez Patrick Lichfield.
Në këto imazhe, Princesha Diana shfaqet me fustanin e saj të nusërisë, e rrethuar nga të ftuar dhe pjesëtarë të familjes mbretërore, përfshirë Mbretëreshën Elizabeth, Princesha Anne e Margaret dhe Princi Andrew.
