Sot e gjithë bota i kishte sytë nga qielli për të parë se ku do të bjerë raketa kineze Mars Long Long 5B. Mediat e huaja shkruajnë se mbetjet e raketës kanë hyrë në atmosferën mbi Oqeanin Indian dhje kanë rënë në një zonë afër ishujve të Maldive.
Ky fakt u bë i ditur nga zyra e fluturimeve njerëzore të agjencisë kineze hapësinore CNSA. Ndaj përjashtohet edhe rënia e një ose më shumë fragmenteve të mjeteve të raketës në territorin italian, duke e përjashtuar nga ‘zona e rrezikut’.
Sipas të dhënave, pjesë të raketës hynë në atmosferë të dielën në rreth orës 02:24.
Pozicionimi i raketës u konfirmua edhe nga të dhënat e Komandës së Mbrojtjes Hapësinore e Amerikës së Veriut (Norad). Krahasuar me vlerësimet fillestare, ata treguan Atlantikun e Veriut si një pikë të mundshme të ri-hyrjes.
Sidoqoftë, ekspertët e hapësirës kishin parashikuar që shanset që dikush në të vërtetë të goditet nga një copë hedhurinë hapësinore ishin shumë të vogla, për shkak se një pjesë e madhe e sipërfaqes së Tokës është e mbuluar nga oqeani, dhe zona të mëdha toke janë të pabanuara./ b.h
