Një studente e shkëlqyer në Korenë e Veriut ka dhënë një shembull të qartë të shtypjes dhe territ në vendin e saj, me udhëtimin e parë jashtë kryeqytetit, në moshën 20-vjeçare.
E njohur si Miss Kim, vajza doli jashtë Phnompenit dhe bisedoi me fotografin francez Eric Lafforgue, i cili e vizitoi për herë të gjashtë vendin e izoluar komunist të Azisë.
Francezit iu dha një mundësi e rrallë me studenten, e cila është e para e klasës në universitet, ku studion anglisht.
Lafforgue dokumentoi përgjigjet e saj, të cilat konfirmojnë kontrollin e frikshëm të shtetit mbi gjithçka që hyn në vend.
Miss Kim nuk kishte dëgjuar kurrë për Lady Gaga, për iPad apo xhinse të grisura, si dhe besonte sinqerisht se hamburgeri ishte shpikur më 2009 nga Kim Jong-il!
Edhe pse panë lypës në rrugë gjatë udhëtimit, Miss Kim ishte e bindur se në Korenë e Veriut të gjithë ishin të barabartë, ndërkohë që tronditës ishte edhe besimi se gratë e pamartuara nuk mund të mbeten kurrë shtatzëna!
Fotografi i kërkoi Miss Kimit të buzëqeshte për një nga pozat e bëra, por ajo iu përgjigj se nuk mundej.
DailyMail/d.i.
