Një fotografi dhimbshme, e publikuar fillimisht nga agjencia e lajmeve “AFP” duket se ka pushtuar botën dhe ka përlotur qindra persona. Fotografi anonim ka arritur të kapë brenda kornizave të aparatit fotografik një banor të Alepos, Mohammed Mohiedin Anis në dhomën e tij të shkatërruar nga bombardimet, ndërkohë që dëgjon muzikë nga një gramafon i vjetër.
Kjo fotografi është konsideruar simbol i luftës gjashtëvjeçare në Siri, konflikti më fatkeq pas Luftës së Dytë Botërore.
Mohammed, i njohur si Abu Omar është shprehur për reporterët e Alepos se para luftës ishte një koleksionist i apasionuar pas makinave të vjetra.
Por tashmë, sic duket edhe në foto, e vetmja gjë që i ka mbetur është gramafoni i vjetër.
