Shqipëria është ende në flakë. Vijonzjarri në pyllin e Semanit në Fier, pasi flakët janë favorizuar edhe nga temperaturat e larta. Zjarrfikëset në bashkëpunim me ushtrinë edhe nuk ka neutralizuar ende flakët.
“Deri më tani janë djegur 20 hektarë me pyje. Po punohet për shuarjen e flakëve, në ndihmë edhe ushtria”, njofton Bashkia e Fierit.
Ndërkohë, zjarrfikësit e Gramshit kanë mundur të shuajnë zjarrin në pyllin e malit të Koshnicës, njësia Skëndërbegas. Në këtë mal flakët përpinë me dhjetëra hektarë pyje, pisha, pemë shekullore dhe shumë gjallesa e kafshë.
Sakaq, në Rubik prej dy ditësh ka vatra zjarri në fshatin Molung. Po ashtu edhe në grykën e Qafë-Thanës, janë djegur sipërfaqe të konsiderueshme me pisha, lis dhe gështenja. Problematike situata shfaqet edhe në zonën e Ujit të Ftohtë në Tepelenë, kodrat e fshatit Hurmovë në Gjirokastër, majën e zezë në Velipojë, si dhe në malin e Shëngjinit.
g.kosovari
