Për të tretën ditë me radhë, zjarrfikësit në Greqi janë duke luftuar me flakët në ishullin Lesbos, si dhe me vatrat e reja në perëndim dhe në veri të Greqisë.

Një zjarr i përmasave të mëdha nisi në pyjet malore të ishullit Lesbos në detin Egje, pranë Turqisë, duke djegur shumë ndërtesa, madje zbriti deri në bregdet, ku u evakuuan edhe banorët e dy fshatrave.

“Flakët kanë rrethuar Krestenën, ka raporte për shtëpi të dëmtuara, ne kemi nevojë për ndihmë”, tha Anastasios Karnaros, një anëtar i këshillit të qytetit, për transmetuesin grek Open TV.

Pamjet e tmerrshme të kapura nga një varkë treguan flakë të zhurmshme që shpërthenin nëpër pemë përgjatë vijës bregdetare të Lesbosit, me tym të zi që ngrihej në ajër dhe mbulonte zonën në një mjegull të trashë. Ndërsa flakët përparuan drejt qendrave të populluara të dielën, qindra turistë dhe banorë të tjerë nga fshati bregdetar i Vaterës, në anën jugore të ishullit, u detyruan të evakuohen./m.j