Shoferi i kamionit, Armando Pezaku, që transportoi kontenierin me 613 kg kokainë nga Porti i Durrësit deri në magazinat e Arbri-Garden në Maminas, në rrjetin social “Facebok” ka bërë një status të veçantë.
Ai thotë se punon shofer, që u çon miell partizanëve. “Shofer kamioni i çoj mill partizaneve”, shkruan Armando Pezaku, i cili përshkruan punën që bën, në rrjetin social Facebook.
(Postimi i koduar i Pezakut në Facebook)
Pezaku është arrestuar pasi dyshohet se ka patur informacion për sasinë rekord të kokainës të kapur në Shqipëri. Në pranga ka rënë edhe administratori i kompanisë, Roland Lushaj, 25-vjeç, lindur në Tropojë dhe banues në Tiranë, ndërsa është shpallur në kërkim pronari i “Arbri-Garden”, Arbër Çekaj, 38-vjeç, lindur në Tropojë dhe banues në Manzë të Durrësit. /a.ç
