Sulmi i Rusisë në Ukrainë ka sjellë reagime dhe protesta të shumta në të gjithë botën të cilët janë kundër kësaj lufte.
Madje edhe vetë qytetarët rusë janë ngritur në protesta duke dënuar aktet e shtetit të tyre. Autoritetet ruse po bëjnë gjithçka që të vendosin nën kontroll protestuesit, madje duke ushtruar dhe dhunë mbi ta.
Rreth 2,500 persona u arrestuan të dielën në protestat kundër pushtimit të Moskës në Ukrainë, konfirmoi policia ruse.
Një zëdhënëse e policisë ruse tha se 1,700 persona u arrestuan në Moskë, ndërsa 750 të tjerë u arrestuan në një tubim më të vogël në Shën Petersburgut, njoftuan agjencitë ruse të lajmeve.
Në një video të publikuar në rrjetet sociale, shfaqen efektivët e policisë të cilët rrahin protestuesit me shkopinj gome, grushte e shqelma.
Në një moment, edhe protestuesit i vijnë në ndihmë njëri-tjetrit duke shtyrë policët që ushtrojnë dhunë ndaj qytetarëve.
/b.h
