Një stuhi e fuqishme dëbore po përshkon pjesën veri-lindore të SHBA-ve, duke prekur më shumë se 60 milionë banorë.
Në disa pjesë të Pensilvanisë dhe New York, parashikohet deri në dy metra dëborë.
Shërbimi Kombëtar i Motit ka paralajmëruar për “kushte të rrezikshme, në mos të pamundura të udhëtimit dhe mungesë të energjisë” në zonat më të prekura.
Dy persona vdiqën në një aksident që përfshiu dhjetëra makina në Pensilvaninë qendrore.
Zyrtarët thonë se nuk presin që stuhia të pengoje shpërndarjen e vaksinave Covid-19, e cila filloi në SH.B.A. të Hënën. Sidoqoftë, kishte raportime për mbylljen e përkohshme të disa qendrave të testimit të koronavirusit në disa shtete.
Ndërkohë që janë shënuar edhe dy viktimat e para, pas një përplasje të disa makinave në Pensilvaninë qendrore. Shumë njerëz u plagosën gjithashtu në përplasjen e cila përfshiu midis 30-60 automjete.
Gjashtë vetë u lënduan gjithashtu në një përplasje me shumë makina në New York, e cila përfshiu të paktën 27 automjete.
Kryebashkiaku i New Yorkut Bill de Blasio paralajmëroi se stuhia mund të jetë më e madhja që qyteti ka parë në disa vjet, duke paralajmëruar banorët që “ta marrin këtë seriozisht”.
Shkollat në të gjithë qytetin zhvillojnë mësimet online, ndalohen piknikët në natyrë dhe rrugët e trageteve në qytet janë ndalur. Qindra fluturime janë anuluar dhe shërbimet hekurudhore janë pezulluar në të gjithë veri-lindjen.
g.kosovari
