Deputeti i Kuvendit të Republikës së Shqipërisë, Vangjel Dule ka marrë pjesë në një event të komunitetit të himarjotëve në SHBA në New York. I shoqëruar nga disa pjesëtarë të tjerë të komunitetit himarjot, Dule ka folur në këtë takim lidhur me çështjen e pronave që shqetëson sëfundmi këtë komunitet.
Por ajo që bën përshtypje në foton e shpërndarë në media është se nga pas tryezës Vangjel Dule dhe anëtaret e tjerë të komunitetit, krahas flamujve të Greqisë dhe SHBA-ve, kanë zgjdhur që të vendosin edhe simbolet e shtetit të ashtuquajtur, “Vorio-Epriri”.
Mesohet gjithashtu se Dule, Beleri dhe Neranxi pas ketij gjesti jane përzene me fishkëllima nga takimi në SHBA. Ajo që duhej të ishte një mbrëmje takimi mes grekëve dhe filogrekëve të Himarës, ka përfunduar në një sherr të bujshëm.
Newsbomb.al mëson se në Astoria të New Yorkut, tre ditë më parë shoqata Bashkimi i Himariotasve të Amerikës organizuan një takim të përvitshëm për Himarën por aty janë grindur me njëri-tjetrin. Nikolaq Neranxi, Vangjel Dule, Fredi Beleri dhe Petër Gjikuria janë përfshirë në një sherr për çështjen e Himarës.
Newsbomb.al raporton se një nga të pranishmit me mbiemrin Kokaveshi është përplasur keq me biznesmenin Nikollaq Neranxi.
“Ti pretendon të zgjidhësh çështjen e pronave kur ke bllokuar rrugën e shtëpisë time?!! Unë nuk hyj dot në shtëpinë time”, i ka thënë me tone të ashpra Kokoveshi-Neranxit dhe më pas situata ka degjeneruar në ulërima, të shara e fishkëllima.
Dule dhe Beleri, të zënë në vështirësi, janë çuar dhe bashkë me Neranxin kanë ikur të detyruar e zemëruar. Kësisoj, takimi i dërgatës së grekëve dhe filogrekëve ka dështuar duke marrë përmasat e një skandali, raporton newsbomb.al.
