Pritet të nisë në orën 10.00 seanca e radhës parlamentare, ku do të betohen deputetët e rinj nga radhët e opozitës të cilët pranuan mandatin, përkundër vendimit të Partisë Demokratike dhe Lëvizjes Socialiste për Integrim.
E ndërsa sot nuk pritet që opozita të ketë protestë, për shkak se ka paralajmëruar protestën e madhe më 16 mars te Kryeministria, policia sërish ka marrë masa mbrojtëse.
Siç mund të shihni në fotografi, policia ka rrethuar Parlamentin me kangjella hekuri, si pengesë për depërtimin e personave të tjerë.
Po ashtu shihet prani e shtuar policie në raport me seancat e zakonshme, me synim parandalimin e çdo incidenti të mundshëm.
Kujtojmë se seancat e kaluara parlamentare janë shoqëruar me protesta nga ana e opozitës, ku janë shënuar edhe incidente.
/a.rada
