Kryeministri Edi Rama ka shpërndarë një mesazh urimi për Ditën Kombëtare të Drejtësisë. Përmes një statusi në facebook, ai e ka postuar edhe një foto nga çadra e protestës së PD që e quan “bunkeri i fundit i frikës nga drejtësia”. Rama shkruan se në çadër janë ngujuar politikanë që kërkojnë të mbajnë të bllokuar Vettingun.
Postimi i Ramës:
MIRËMËNGJES
dhe ju uroj gëzuar Ditën Kombëtare të Drejtësisë me këtë kartolinë të bunkerit të fundit të frikës nga drejtësia, ku janë ngujuar politikanë që për të bllokuar Vetingun dhe zbatimin e Reformës në Drejtësi, janë gati të na rindajnë për së gjalli nga Europa e të na kthejnë 20 vite pas, në vitin e mbrapshtë ’97
Në këtë 104 vjetor të hedhjes së themelit të sistemit të drejtësisë shqiptare nga Qeveria e Ismail Qemalit më 10 maj 1913, shqiptarët janë më pranë se kurrë aspiratës së tyre shekullore për një Shqipëri me Drejtësi
Shtet
Punë
Mirëqenie
; një Shqipëri që nis zbatimin e Vetingut dhe ulet në tryezën e negociatave për anëtarësim në Familjen Europiane
/a.m.
