Në seancën e sotme parlamentare teksa kryetari i Partisë Demokratike, Lulzim Basha fliste, vetë kryeministri Edi Rama kërkoi që mos t’i ndërpritej fjala.
Në foto duket momenti kur kreu i qeverisë nga karrigia e tij, ia bën me shenjë deputetëve të PS që të pushojë dhe mos ta ndërpresë, pasi Eduart Shalsi po replikonte nga vendi me kreun e PD.
Kryetari i partisë demokratike Lulzim Basha në replikë me kryeministrin Rama në kuvend këtë të enjte është shprehur se fytyra e qeverisë është ajo e korrupsionit dhe e oligarkëve.
Basha ndër të tjera theksoi se vendi ynë sot është shndërruar si Bjellorusia e Lukashenkos.
Sipas tij Rama nuk guxon që të flasë për raportin e ODIHR dhe mbi të gjitha për përgjigjen e 5 vendeve që ka marrë në Slloveni./m.j
