Kryeministri Edi Rama do t’i drejtohet sot Këshillit të Evropës, ku pritet të kërkojë rishikimin e Rezolutës 1782 (të miratuar në vitin 2011) për raportin e Dick Marty, dhe të shpallë të pabazuara akuzat e tij për trafikim të organeve njerëzore gjatë luftës së fundit në Kosovë.
Kreu i qeverisë shqiptare së bashku me delegacionin që e shoqëron mbërritën në mesditë në aeroportin e Strasbugut, ku iu drejtuan më pas goditën së Këshillit të Evropës.
Rama u prit në një takim nga Presidenti i Asamblesë Parlamentare të Këshillit të Europës, Tiny Kox.
Rreth orës 15:30, kryeministri Rama pritet të prezantojë para Këshillit të Evropës një rezolutë të Shqipërisë, që kërkon që akuzat e raportit të Martyt të konsiderohen “të paargumentuara, të paprovuara dhe të pabazuara në prova e fakte”.
/e.d
