Presidenti rus Vladimir Putin ka thënë se Koreja e Veriut ka nevojë për ‘garanci dhe siguri’ në këmbim të heqjes dorë nga programi i tij bërthamor, pasi ai me gotën në dorë bëri gëzuar i një gotë udhëheqësit të vendit Kim Jong-un pas takimit të parë të tyre.
Putin tha se denuklearizimi mund të arrihet vetëm nëpërmjet ligjit ndërkombëtar dhe bëri thirrje për garancitë e paspecifikuara për t’u nënshkruar nga vende të shumta.
“Ne duhet të rivendosim fuqinë e së drejtës ndërkombëtare, të kthehemi në një shtet ku ligji ndërkombëtar, jo ligji i më të fortëit, përcakton situatën në botë”, shpjegoi ai, pas takimit të tij me Kim në qytetin rus të Vladivostok të enjten.
Ai shtoi se Rusia dhe Shtetet e Bashkuara duan që Koreja e Veriut të braktisë armët bërthamore dhe se ai do ta informojë Presidentin Donald Trump për diskutimet e tij me Kim.
“Këtu nuk ka sekrete, as komplote … Presidenti Kim na kërkoi neve ta informonim anën amerikane të qëndrimit tonë”, tha Putin.
Putini tha se ai dhe Kim shkëmbyen mendime se çfarë duhet bërë për të përmirësuar situatën. “Kim vuri në dukje se ata kishin ‘diskutuar mënyrat e zgjidhjes paqësore’ dhe kishin ‘një shkëmbim shumë të frytshëm’.
Udhëtimi i parë i Kim në Rusi vjen dy muaj pasi samiti i tij i dytë me Trump dështoi për shkak të mosmarrëveshjeve mbi sanksionet e udhëhequra nga Shtetet e Bashkuara në Veri.
Nga ana tjetër lideri koreanoverior i ka dhuruar presidentit rus Vladimir Putin një shpatë koreane, pas takimit në Vladivostok.
Sipas agjencis së lajmeve Tass. ’Kjo shpatë-i ka thënë Kim Putinit-simbolizon forcën, simbolizon shpirtin tim dhe të popullit tim’.
Kimit i është dedikuar një ceremoni e veçantë gjatë mbërritjes nw Rusi, me dorëzimin simbolik të bukës, kripës dhe një buqetë lulesh.
g.kosovari
