Producenti muzikor Phil Spector ka vdekur në moshën 81 vjeçare, nga një infeksion që lidhet me COVID ndërsa po vuante një dënim në burg për vrasje.
Spector, i cili shndërroi muzikën popin me regjistrimet e tij, punoi me emrat të mëdhenj si Beatles, The Righteous Brothers, Ike dhe Tina Turner.
Në vitin 2009, ai u dënua për vrasjen e aktores hollivudiane Lana Clarkson në vitin 2003.
“I burgosuri, Phillip Spector u shpall i vdekur për shkaqe natyrale në orën 18:35, më 16 janar të vitit 2021, në një spital. Shkaku zyrtar i vdekjes do përcaktohet nga ekzaminuesi ligjor,”- njoftoi California Department of Corrections and Rehabilitation.
Spector prodhoi 20 hitet më të mira midis 1961 dhe 1965. Metodat e tij të prodhimit ndikuan në artistë të mëdhenj përfshirë Beach Boys dhe Bruce Springsteen.
Producenti muzikor raportohet se ishte i varur nga droga dhe alkooli. Ai u tërhoq nga skena e muzikore gjatë viteve 1980 dhe 1990.
Në shkurt 2003, aktorja Lana Clarkson u gjet e vdekur në shtëpinë e tij në Alhambra, California me një plagë plumbi në kokë.
Clarkson ishte takuar me Spector disa orë përpara vdekjes në një klub nate.
Ai pretendon se arma u shkrep në momentin kur aktorja “puthi armën”, por katër gra pretenduan në gjyq se Spector i kishte kërcënuar me armë kur e refuzuan.
Spector u dënua për vrasje të shkallës së dytë në vitin 2009.
