Trupat turke hynë në Siri sot në përgatitje për një sulm të afërt në territorin kurd, ka bërë me dije një zyrtar.
Dy trupa artilerie hynë në Siri afër qyteteve Tell Abaid dhe Sari Kani herët në mëngjes në përgatitje të një sulmi më të gjerë, i tha zyrtari Bloomberg.
Një zyrtar tjetër më vonë mohoi që operacioni ushtarak kishte filluar, por tha se përgatitjet janë ende duke u zhvilluar.
Lajmi për futje të turqve në Siri vjen pasi kamionët, tanket dhe mjetet e tjera të artilerisë së rëndë u fotografuan në kufi gjatë natës.
Komandantët kurdë kanë paralajmëruar një ‘katastrofë humanitare të afërt’ nëse sulmi shkon përpara, ndërsa i kërkuan ndihmë udhëheqësve botërorë.
Kjo vjen pasi Presidenti Trump i dorëzoi kontrollin e sigurisë rajonale Turqisë gjatë një telefonate të dielën me presidentin Erdogan.
Udhëheqësit kurdë lëshuan gjithashtu një thirrje për civilët që të bashkohen me ushtrinë të mërkurën në mëngjes dhe ‘të bëjnë detyrën e tyre’.
Një deklaratë e lëshuar nga SDF të Mërkurën thoshte: ‘Zonat kufitare në veri-lindje të Sirisë janë në skaj të një katastrofe të mundshme humanitare.
‘Të gjitha shenjat, informacionet në terren dhe ndërtimi ushtarak në anën turke të kufirit tregojnë se zonat tona kufitare do të sulmohen nga Turqia në bashkëpunim me opozitën siriane të lidhur me Turqinë. Ky sulm do të derdhë gjakun e mijëra civilëve të pafajshëm sepse zonat tona kufitare janë të mbingarkuara“.
Shumë sirianë të zhvendosur duke luftuar diku tjetër në vend, dhe kanë ikur në rajonin e Alepos me shpresën se do të kërkojnë strehim atje.
Sipas të dhënave të mbledhura nga Global Shelter Cluster, që po bën përpjekjet për ndihmë në Siri, aktualisht ka rreth 600,000 njerëz që marrin ndihmë në rajonin e Alepo – nga të cilët 140,000 janë pothuajse plotësisht të varur nga ndihma për mbijetesë.
Në rast të një pushtimi të Sirisë veriore nga Turqia, Alepo është vendi ku do të zhvillohej shumica e luftimeve fillestare.
Turqia ka njoftuar planet për të krijuar një “korridor paqeje” përgjatë kufirit të saj me Sirinë duke fshirë “terroristët”. / Javanews
g.kosovari
