Ata që kanë qenë në vëzhgim të personazheve VIP që hyjnë e dalin në Kullën Trump, me siguri e kanë vënë re edhe një fytyrë të njohur çdo ditë.
Ajo është vajza më e fotografuar në “Kullën Trump”. Kur ajo vjen, gazetarët e dinë se diçka e rëndësishme po ndodh. Problemi i vetëm në gjithë këtë histori është se askush nuk e di se kush është ajo!
Në ndërtesën aktualisht më të rëndësishme në New York të gjithë e quajnë “vajza e ashensorit”. Kur ajo del nga ashensori, të gjithë e dinë se dikush i rëndësishëm është pas saj, dhe kështu kameramanët menjëherë përgatisin objektivat.
CNN zbulon se emri i saj është Madeleine Westerhout, 26 vjeç, dhe se ajo është e angazhuar në shoqërimin e mysafirëve VIP në korridoret e “Kullës Trump”.
Paraqitja e saj e vazhdueshme në televizione, u ka rënë në sy edhe shikuesve të rëndomtë, por edhe disa personave të famshëm. Kështu njëri prej anëtarëve të jurisë së emisionit kulinar më të njohur në SHBA, ka shkruar në Twitter.
“Ku është kjo vajzë? Përshëndetet më të gjithë në “Kullën Trump” si dhe në klubin e golfit. Thjesht jam kureshtar”.
Pas këtyre pyetjeve, të gjithë dëshironin të dinin kush ishte ajo bukuroshe e buzëqeshur që kujdeset për fytyrat më të rëndësishme në Amerikë.
CNN shkruan se Westerhout, punon si asistente e Katie Walsh, shefe e kabinetit të kreut të Këshillit Republikan, si dhe si këshilltare e kreut të ardhshëm të kabinetit në Shtëpinë e Bardhë, Rinsea Pribus.
“Punoj për Katie Walsh për më shumë se tri vite. Pasi fituam zgjedhjet, shkuam në New York për ta ndihmuar Rinsean. Pse qëndroj vazhdimisht në korridor? Mund ta shihni edhe vet se para ndërtesës vazhdimisht mbizotëron kaosi”, ka deklaruar Westerhout.
“Ka shumë njerëz dhe pjesëtarë të sigurimit dhe dikush duhej të kujdesej që mysafirët të hyjnë në ndërtesë. Dhe kështu kjo detyrë më takoi mua”, ka shpjeguar asistentja e re.
Madeleine ka punuar edhe më parë me figura të profilit të lartë. Në vitin 2012 ajo ishte praktikante në fushatën presidenciale pranë kandidatit Mitt Romney.
BW/d.i.
