Në kuadër të masave nga Policia e Shtetit, pasditen e datës 31 dhjetor janë zhvilluar kontrolle antieksploziv nga reparti RENEA në parkimin nëntokësor të sheshit “Skënderbej”.
Njësia Antieksploziv e RENEA-s, duke përdorur qentë antieksploziv, kanë kontrolluar me imtësi të gjitha automjetet e parkuara nën tokë, ndërkohë që në shesh zhvilloheshin festime.
Policia bën të ditur se nuk ka pasur asnjë ngjarje kriminale dhe kontrolle ka pasur në të gjitha sheshet ku do të kryheshin festimet. Është vlerësuar dhe bashkëpunimi me qytetarët të cilët sipas policisë kanë festuar të qetë./a.m.
