Një vrasje me armë zjarri ka ndodhur mbrëmjen e djeshme, ku viktimë ka mbetur 30-vjeçari Altin Balliu.
Mediat kane publikuar foton e viktimës, 30-vjeçar nga fshati Slavinjë e Pogradecit, i cili mbeti i vrarë me plumb në kokë.
Policia ka bërë të mundur identifikimin e autorit të ngjarjes, i cili është banues në lagjen nr.10 të qytetit por nuk e ka bërë të ditur identitetin e tij pasi është shpallur në kërkim.
Ngjarja e rëndë ka ndodhi ditën e djeshme në lagjen nr 10 të qytetit, që njihet ndryshe si lagjia e Francezëve. Dyshohet se vrasja ka ndodhur pas një sherri pasi autori i vrasjes, ka kaluar me makinë para lokalit ku ndodhej viktima bashkë me disa miq të tij duke pirë alkool.
Autori ka gjetur rrugën e zënë nga një makinë. Në këtë moment, thonë burimet, autori ka dalë nga makina dhe ka qëlluar me grushte dhe ka gërvishtur makinën që kishte zënë rrugën. Makina para lokalit ishte e njërit prej miqve të viktimës, që ndodhej brenda lokalit duke konsumuar alkool.
Menjëherë nga lokali ka dalë grupi i miqve bashkë me viktimën dhe janë konfliktuar verbalisht dhe fizikisht me autorin, i cili është larguar dhe kthyer disa minuta më pas duke qëlluar në drejtim të tyre. Viktima Altin Balliu ka marrë plumba në kokë dhe pjesën e fytyrës çka ishte e vështirë për te bërë të mundur identifikimin e tij.
a.cupaj
