FOTO/ Parisi, Roma, Barcelona… Qytetet më të bukura të Europës, katër prej tyre në Ballkan

Parisi, Roma, Barcelona… destinacione unike që çdokush në botë dëshiron t’i vizitojë të paktën një herë në jetë. Megjithatë, krahas tyre, CNN Travel sugjeron edhe disa qytetet të tjera të kontinentit të vjetër, që gjithashtu dallojnë për natyrën, kulturën dhe arkitekturën e veçantë.

Nga qytetet e thjeshta të peshkimit deri te trashëgimia mesjetare, fotogaleria e mësipërme, rendit disa nga qytetet e vogla më të bukura në të gjithë Evropën.

Giethoorn, Holandë

Giethoorn, shpesh cilësohet edhe si Venecia holandeze. Në këtë qytet nuk ka makina në qendër, kështu që e vetmja mënyrë për të lëvizur është në këmbë ose në ujë.

Guimarães, Portugali

Guimarães është një qytet me shumë rëndësi për historinë e Portugalisë. Ai u emërua kryeqyteti i parë i vendit në shekullin e 12-të.

Qyteti mesjetar mbetet kryesisht i paprekur, plot me manastire, pallate të vjetra madhështore dhe një kështjellë.

Roscoff, Francë

Qytetet portuale mund të jenë të zymta. Megjithatë, Roscoff, në rajonin e Brittany të Francës, dallohet si një qytet i veçantë që e ndërtoi pasurinë e tij përmes tregtisë detare.