Policia gjermane po kërkon një makinë të rrallë sportive Ferrari nga vitet ’80-ta, që besohet se vlen mbi dy milionë euro, pasi një person i cili u paraqit si blerës potencial e vodhi atë gjatë një testimi.
Policia në Dusseldorf tha se personi, i cili u lajmërua për Ferrarin e kuq 288 GTO për herë të parë të regjistruar në 1985, u shfaq dje në një takim të dakorduar në këtë qytet gjerman.
Ai dhe shitësi shkuan në një zonë për testimet, gjatë të cilit shitësi doli nga makina për të zëvendësuar ulësen me blerësin e ri.
Njeriu u ul në vendin e shoferit, e shtypi pedalin e gazit dhe iku me gjithë veturë, e cila kap vlerën dy milionë euro.
Policia tha sot se nuk arritën të gjenin makinën dhe i bëri thirrje publikut që t’u japë informacione eventuale.
g.kosovari
