Britania e Madhe po përballet me një rritje infeksionesh për shkak të koronavirusit me mbi 100 mijë raste ditore.
Por kjo nuk i ka ndaluar qytetarët britanikë të “shfrenohen” në natën e ndërrimit të viteve.
Miliona britanikë festuan në bare dhe klube nate në Angli, ku festimet vijuan deri në orët e para të mëngjesit.
Megjithëse Skocia dhe Uellsi kishin kufizime të ashpra ndaj koronavirusit, qytetarët u dyndën përtej kufirit, për të shijuar Vitin e Ri.
Në Londër, mijëra njerëz u rreshtuan në brigjet e lumit Thames për të parë fishekzjarrët e kryeqytetit dhe shfaqjen e dronëve.
Në një klub nate në Mançester, rreth 10,000 qytetarë pritej të festonin deri në orën 4 të mëngjesit, megjithëse pati disa përleshje në Neëcastle, me një person që u largua nga policia.
Ndërkohë, pasi u detyruan të mbylleshin sipas kufizimeve të bllokimit të vitit të kaluar, shumë bare dhe klube në Liverpool dukeshin të zënë me qytetarë këtë mbrëmje.
Duke shkruar në Daily Mail, Sekretari i Shëndetësisë tha se çdo frenim i ri i lirive duhet të jetë “një mjet i fundit absolut”, duke shtuar se vendi është në “një pozicion shumë më të fortë” në fillim të vitit 2022 sesa ishte 12 muaj më parë.
