Një grup i demonstruesve gjysmë lakuriq që ishin mbledhur në parlamentin britanik, kanë arritur ta ndërpresin debatin e sotëm për Brexitin, pasi ishin ngjitur në galerinë e qelqtë duke qëndruar prapa shpinës së deputetëve.
Reuters raporton se demonstruesit ishin shfaqur gjatë seancës ku deputetët po diskutonin për mënyrën që Britania do të duhej ta aplikonte për t’u larguar nga Bashkimi Evropian.
Në shpinën e demonstruesve kishte mbishkrime të ndryshme si “drejtësi e menjëhershme për klimën”, duke protestuar kështu kundër ndryshimeve klimatike.
Ky incident ka zgjatur rreth 25 minuta, kurse demonstruesit kishin ngjitur shuplakat e duarve me ngjitës në xhamin gjigant, sa që është dashur të intervenojnë njësi të policisë për t’i larguar.
Zëdhënësi i policisë metropolitane, ka njoftuar se janë arrestuar 12 persona për shkak të sjelljeve të pahijshme në hapësira publike.
g.kosovari
