Spanja është goditur nga moti i keq. Madridi është mbuluar nga bora, ku sipas autoriteteve në Madrid është regjistruar trashësia e borës më e madhe në 40 vitet e fundit.
Mbrëmjen e kaluar ushtria doli në terren, ndërsa qytetarët janë këshilluar të shmangin lëvizjet e panevojshme.
Agjencia e motit AEMET e vendit tha se reshjet e borës ishin “të jashtëzakonshme dhe me shumë gjasa historike”.
Një numër qytetarësh u panë duke shfrytëzuar në maksimum pamjen me dëborë, duke ecur nëpër sheshin Puerta del Sol të Madridit.
Parqet e mëdha në Madrid janë mbyllur si masë paraprake, raporton agjencia e lajmeve AFP.
Moti i ftohtë pritet të vazhdojë edhe gjatë fundjavës me temperaturat në Madrid që parashikohet të arrijnë -12C të enjten.
Kjo situatë ka shkaktuar kaos në rrugë, veçanërisht në Madrid. Mediat e huaja raportojnë se automjetet kanë mbetur të bllokuara për shkak të stuhisë që filloi ditën e djeshme.
Duke marrë shkas nga situata në fjalë, autoritetet spanjolle anuluan të paktën 30 fluturime në Ishujt Kanarie për shkak të kushteve të motit intensiv.
