Mjeku Edvin Prifti është paraqitur sot në Gjykatë, ku do të njihet me masën e sigurisë.
I rregullt dhe pa pranga në duar, ai është i veshur me pallto të gjatë, kollare dhe maskë kundër COVID19, teksa në krah të tij qëndron një gruaja dhe avokati.
Ai u arrestua dy ditë më parë për korrupsion, ndërsa gjatë një kontrolli në shtëpi iu gjetën mbi 500 mln lekë.
Siç shihet edhe në foto, mjeku kardiolog i cili u pezullua nga detyra pasi akuzohet se i mori ryshfet një pacienteje për ta operuar jashtë radhe, ka shkuar vetë në gjykatë.
Po ashtu, ai akuzohet për korrupsion pasiv dhe pastrim parash, pasi sipas prokurorisë nuk arrin të justifikojë vlerën prej 250 mijë euro që iu gjet në banesë.
