Me Shqipërinë kanë nisur që të dashurohen tashmë të gjithë ata që e vizitojnë, dhe këtu nuk bëjnë përjashtim as modelet. Është modelja Lara Stone e cila “ka rënë brenda” me Shqipërinë.
31-vjeçarja ka postuar në Instagram foto të realizuara në Tiranë, ndërsa shqiponja, që është simbol kombëtar i yni, i ka lënë mbresa të mëdha.
Gjitha fotot e postuara, ajo i ka shoqëruar me #AlbaniaMania. Të martën ajo kishte postuar një pjesë të biletës së udhëtimit, ku shihej vendi i nisjes dhe destinacioni, në këtë rast Londra dhe Tirana.
Pas një foto nga avioni, Stone kishte publikuar një foto të sheshit “Shqiponja” që është në hyrje të Tiranës. Ndërkohë, në fotot personale ajo mban gjithmonë një kapele të kuqe, ku në pjesën qendrore të saj, është shqiponja e zezë.
Lara Stone ka qenë imazh i disa kompanive të njohura si, “Calvin Klein”, “Givenchy”, “Roberto Cavalli”, “Prada”, ndërsa aktualisht është imazh i “L’Oreal Paris”.
