Ministri i Transportit Sokol Dervishaj inspekton gjendjen e kalueshmërisë në Qafën e Llogarasë. Dervishaj theksoi se aksi rrugor Vlorë-Sarandë, sikurse të gjitha rrugët e tjera në jug, janë tërësisht të kalueshme, përfshirë edhe Qafën e Llogarasë.
“Të gjitha akset kombëtare të Jugut nuk kanë probleme në kalueshmëri falë ndërhyrjes në kohë. Llogaraja është e kalueshme për të gjitha mjetet. Edhe aksi Sarandë- Gjirokastër është i kalueshëm për të gjithë mjetet”, u shpreh Dervishaj.
Kreu i Transporteve shtoi se situata është në kontroll në të gjithë vendin.
“Kemi përballuar mirë situatën, falë angazhimit maksimal por edhe falë bashkëpunimit me policinë rrugore, emergjencat dhe instancat e tjera“, tha Dervishaj. /ma.me
