Disa qindra vetë janë mbledhur para Konsullatës greke në Gjirokastër, për të protestuar për shqiptarët që kanë humbur jetën javët e fundit në Greqi, shkruan A2.
Tubimi zhvillohet paralelisht me një ceremoni mortore për 40 ditët e varrimit të Konstandinos Kacifas, i cili humbi jetën pas një shkëmbimi zjarri me policinë.
Përveç qytetarëve nga qytete të ndryshme të Shqipërisë, të pranishëm janë edhe disa ish-luftëtarë të Ushtrisë Çlirimtare të Kosovës.
Protestuesit kanë kënduar fillimisht himnin kombëtar e më pas janë mbajtur edhe disa fjalime.
/a.r
